MSgram — Maxfiylik siyosati

Oxirgi yangilanish: 2026-yil 31-oktabr

Qisqacha: MSgram sizdan hech qanday ma'lumot yig'maydi, saqlamaydi va uchinchi tomonlarga uzatmaydi. Ilovada analitika, reklama tarmog'i va kuzatuv vositalari yo'q.

1. MSgram nima

MSgram — Android uchun norasmiy Telegram mijozi. U Telegram Messenger LLP tomonidan ishlab chiqilmagan va u bilan aloqasi yo'q. MSgram Telegram'ning ochiq manba kodidan forklangan va Telegram'ning ochiq API'si orqali Telegram serverlariga ulanadi.

Ya'ni: akkauntingiz, xabarlaringiz, kontaktlaringiz va fayllaringiz Telegram'da saqlanadi, MSgram'da emas. Ularga nisbatan Telegram'ning maxfiylik siyosati amal qiladi.

2. Biz yig'adigan ma'lumotlar

Hech qanday. MSgram'da server yo'q. Biz quyidagilarni yig'maymiz:

Ism, telefon raqam, elektron pochta
Xabarlar, fayllar, kontaktlar
Joylashuv
Qurilma identifikatorlari, reklama ID'si
Ishlatish statistikasi, nosozlik hisobotlari

Ilovada Google Analytics, Firebase, Facebook SDK yoki boshqa kuzatuv kutubxonalari yo'q.

3. Qurilmangizda saqlanadigan ma'lumotlar

Quyidagilar faqat telefoningizda qoladi va hech qayerga yuborilmaydi:

Chatlar keshi va yuklangan fayllar
MSgram sozlamalari (reklamani yashirish, StopVirus holati, mavzu)
"Administrator" papkasi — u faqat qurilmada hisoblanadi, Telegram serverlariga yuborilmaydi

Ilovani o'chirsangiz, bu ma'lumotlar ham o'chadi.

4. Ruxsatnomalar

Kamera, mikrofon — rasm/video olish va ovozli xabar, qo'ng'iroqlar uchun
Kontaktlar — Telegram'dagi tanishlaringizni topish uchun (ixtiyoriy)
Xotira / media — fayllarni yuborish va saqlash uchun
Bildirishnomalar — yangi xabarlardan xabardor qilish uchun
Joylashuv — faqat siz joylashuvni yuborganingizda, ilova ochiq turganda

Har bir ruxsatni bermaslik mumkin; ilova shunda ham ishlaydi, faqat tegishli funksiya ishlamaydi.

5. StopVirus

MSgram chatlarda kelgan .apk fayllarni avtomatik yuklamaydi va qurilmadan o'chiradi. Bu tekshiruv butunlay telefoningizda bajariladi — fayl nomi ham, mazmuni ham hech qayerga yuborilmaydi.

6. Bolalar

MSgram 18 yoshdan kichik foydalanuvchilar uchun mo’ljallanmagan. Play Market’da ilovaning maqsadli auditoriyasi 18+ deb belgilangan.

7. Akkauntni o'chirish

Akkauntingizni va unga bog'liq barcha ma'lumotlarni butunlay o'chirish mumkin: akkauntni o'chirish bo'yicha yo'riqnoma.

8. O'zgartirishlar

Bu siyosat o'zgarsa, yangilangan sana yuqorida ko'rsatiladi va o'zgarish @MSgramUz kanalida e'lon qilinadi.

9. Bog'lanish

Savollar: @MSgramUz

Nashriyotchi: "MUZUFIXAS" MChJ, O'zbekiston