MSgram — akkauntni o'chirish

Account deletion request · Oxirgi yangilanish: 2026-yil 31-oktabr

Diqqat. Akkauntni o'chirish ortga qaytarilmaydi. Barcha xabarlar, kontaktlar, guruh va kanallardagi a'zoligingiz butunlay yo'qoladi. Xuddi shu telefon raqami bilan keyinroq yangi akkaunt ochish mumkin, lekin eski ma'lumotlar qaytmaydi.

Usul 1 — ilovaning o'zidan (tavsiya etiladi)

  1. MSgram'ni oching
  2. Sozlamalar → Maxfiylik va xavfsizlik
  3. Pastga tushing va qizil rangdagi "Akkauntni butunlay o'chirish" tugmasini bosing
  4. Ogohlantirishni o'qing va "O'chirish" ni tasdiqlang

Akkaunt shu zahoti o'chadi va ilova chiqib ketadi.

Usul 2 — ilovasiz, brauzer orqali

Telefoningiz yo'q yoki ilovani o'chirib yuborgan bo'lsangiz, akkauntni Telegram'ning rasmiy sahifasidan o'chirishingiz mumkin:

  1. my.telegram.org/auth?to=delete ga kiring
  2. Telefon raqamingizni kiriting — tasdiqlash kodi Telegram orqali keladi
  3. Sababni tanlang va o'chirishni tasdiqlang

MSgram akkaunti — bu Telegram akkaunti. Shuning uchun uni Telegram'ning o'z sahifasidan ham o'chirish mumkin, natija bir xil.

Akkauntni o’chirmasdan ma’lumotlarni tozalash

Akkauntingiz qolsin, lekin ayrim ma’lumotlar o’chsin desangiz, buni ilovaning o’zidan qilasiz:

  1. Bitta xabarni o’chirish — xabarni bosib turing → O’chirish. “Hamma uchun o’chirish” ni tanlasangiz, suhbatdoshingizda ham o’chadi.
  2. Suhbat tarixini tozalash — chatni oching → yuqoridagi uch nuqta → Tarixni tozalash.
  3. Suhbatni butunlay o’chirish — chatlar ro’yxatida chatni chapga suring → O’chirish.
  4. Profil rasmi va ma’lumotlarini o’chirish — Sozlamalar → Profilni tahrirlash.
  5. Qurilmadagi keshni tozalash — Sozlamalar → Ma’lumotlar va xotira → Xotira sarfi.
  6. Kontaktlarni o’chirish — Sozlamalar → Maxfiylik va xavfsizlik → Kontaktlarni o’chirish.

Bu amallar akkauntingizga tegmaydi — faqat tanlangan ma’lumotlar o’chadi.

Nimalar o'chadi

  1. Barcha xabarlar va suhbatlar
  2. Kontaktlar ro'yxati
  3. Guruh va kanallardagi a'zoligingiz (siz yaratgan kanallar egasiz qoladi)
  4. Profil, rasm, foydalanuvchi nomi
  5. Yuklangan fayllar va media

Qurilmangizdagi MSgram sozlamalari va keshi ham o'chiriladi.

Nimalar qoladi

Siz boshqalarga yuborgan xabarlar ularning qurilmalarida qolishi mumkin — bu har qanday messenjerda shunday. Shuningdek Telegram qonun talab qilgan hollarda ayrim texnik yozuvlarni belgilangan muddat saqlashi mumkin; batafsil Telegram maxfiylik siyosatida.

Yordam kerakmi

O'chirishda muammo bo'lsa yozing: @MSgramUz